टोकियोः जापानको दक्षिण पश्चिमस्थित कुमामोतो र कागोशिमा क्षेत्रमा आएको भिषण वर्षापछि आएको बाढी पहिरोमा परेर सात जनाको मृत्यु हुनुका साथै अरु चार जना बेपत्ता भएको जापानी उद्धारकर्मीहरुले जनाएका छन् ।
जापानी जलवायु विज्ञान विभागले अझै पनि ठूलो वर्षा हुने बताएको छ । यी दुई स्थानका करिब २ लाख ३ हजार मानिसलाई सुरक्षित स्थानमा जान स्थानीय प्रशासनले आग्रह गरेको छ । कुमामोतोका १७ वटा नगरपालिकामा १०९ वटा आश्रय शिविर बनाइएको छ ।
कुमामोतोको कुमा नदीमा पानीको स्तर निकै माथि आइसकेको भन्दै उद्धार र राहतका लागि जापानी सेना परिचालन गरिएको छ । कुमा नदीले ठाउँठाउँमा तटबन्धहरु फुटाएर शहरतिर पानी पसेकाले पनि उद्धारमा कठिनाइ आएको छ । नगरमा बुलेट रेलसेवा स्थगित गरिएको छ । एजेन्सी
