काठमाडौँ । राजावादीहरूले धर्ना सुरु गरेका छन् । राजसंस्था र हिन्दू राज्यसहितका माग राखेर प्रदर्शनमा उत्रिएका उनीहरुले राप्रपा नेपालका अध्यक्ष कमल थापासहितलाई रिहाई गर्न माग गर्दै धर्ना सुरु गरेका हुन् ।
थापासहित पाँच जनालाई नारायणचौरबाट बालुवाटारतर्फ जाने क्रममा प्रहरीले पक्राउ गरेको थियो ।
थापा पक्राउ परेलगत्तै आन्दोलनमा सहभागीहरूले धर्ना सुरु गरेका हुन् ।
आइतबार पक्राउ परेका सबैलाई चाँडोभन्दा चाँडो रिहाइ गर्न माग गर्दै धर्ना सुरु गरिएको राप्रपा प्रवक्ता मोहन श्रेष्ठले जानकारी दिए ।
‘हामीले धर्ना सुरु गरेका छौं । तत्काल रिहा नहुने हो भने हामी आन्दोलन थप चर्को बनाउँछौं,’ श्रेष्ठले भने ।
