धनकुटा । धनकुटाको लेउती खोलामा गएराति आएको बाढीले फेदीमा सडक बगाएपछि यातायात अबरुद्ध भएको छ ।
सडक बगाउँदा कोशी राजमार्गको धनकुटामा पर्ने मूलघाट–सिम्सुवाखण्ड अबरुद्ध भएको हो । साँगुरीगढी गाउँपालिका ६ स्थित फेदीमा करिब ५० मिटर कालोपत्रे सडक बगाएको हो ।
सडक बगाएपछि धनकुटासहित, तेह्रथुम, भोजपुर, संखुवासभाका साथै तामोदर कोरिडोर भएर पाँचथर र ताप्लेजुङ जाने आउने सवारी तथा ढुवानीका सवारी साधन रोकिएका छन् ।
