काठमाडौं । राजसंस्था पुनर्स्थापना , संघियता र धर्म निरपेक्षताको खारेज गर्नु पर्ने माग सििहत आजबाट संयुक्त जनआन्दोलन सुरु भएको छ ।
संयुक्त जनआन्दोलन समितिमा रहेका रहेका दल र समुह प्रर्दशनमा उत्रिएका छन् । आज आन्दोलनको पहिलो दिन शान्तिबाटिका भेला भएर जुलुसले टुँडिखेलको परिक्रमा गर्ने भएको छ ।
काठमाडौंका ७ स्थानबाट राजावादीको जुलुसहरु निस्किएको छ। मैतीदेवीबाट निस्किएको जुलुसको नेतृत्व राप्रपा अध्यक्ष राजेन्द्र लिङ्देनले गर्नुभएको छ । यसैगरी राप्रपा नेपालका अध्यक्ष कमल थापाले नेतृत्व गरेको जुलुस सिफलबाट निस्किएको छ ।
संयुक्त जनआन्दोलन समितिका संयोजक नवराज सुबेदीको नेतृत्वमा नारायणचौर ,नयाँ बजारबाट सुरु भएको जुलुसको नेतृत्व डा। प्रकाशचन्द्र लोहनीले र त्रिपुरेश्वरबाट निस्किएको जुलुसको नेतृत्व केशरबहादुर विष्टले गर्नुभएको छ ।
राप्रपा प्रवक्ता मोहन श्रेष्ठले विरोधको प्रतिक कालो रङ्ग र मुकुटको प्रतिकको रुपमा छाता (कालो छाता) लिएर सडकमा निस्कएको बताउनु भयो ।
