काठमाडौँ । जिल्ला प्रहरी परिसर भद्रकालीबाटै एक जना थुनुवा फरार भएका छन् ।
बुधबार दिउँसो काठमाडौं जिल्ला अदालतबाट म्याद थप गरी परिसर लगिएका थुनुवा गेटबाटै फरार भएका हुन् ।
फरार हुनेमा सात दिनअघि पक्राउ परेका दोलखाका २४ वर्षीय निशान परियार रहेका छन् । उनीमाथि अभद्र व्यवहारको कसुरमा अनुसन्धान भइरहेको थियो ।
उनीमाथि जिल्ला अदालतले अनुसन्धान गर्न पाँच दिन अनुमति दिएको थियो ।
उनको खोजी भइरहेको जिल्ला प्रहरी परिसर काठमाडौंका एसपी अपिलराज बोहराले जानकारी दिए ।
