काठमाडौं।काठमाडौंको गोकर्णेश्वर नगरपालिका–२, नयाँपाटीस्थित एक किराना पसलमा ३७ वर्षीय बलिन्द्र प्रकाश राईमाथि आक्रमण गरी हत्या गरेको आरोपमा पाँच जना युवक पक्राउ परेका छन्।
पक्राउ पर्नेमा रामेछाप, सर्लाही, सिन्धुपाल्चोक र काभ्रेपलाञ्चोकका हुन्। उनीहरू क्रमशः प्रविण तामाङ (२९), समिर वाइवा तामाङ (२३), अभिषेक वाइवा तामाङ (२६), दीपेन्द्र भुजेल (२९) र अनुराग तामाङ (२८) रहेका छन्।
वैशाख ३० गते राति करिब ९ बजेतिर किराना पसलमा बसेका राईमाथि आक्रमण गर्दा गम्भीर घाइते भएका उनलाई अस्पताल पुर्याइएको थियो, तर उपचारको क्रममा मृत्यु भएको थियो।
हत्या पछि फरार रहेका उनीहरूलाई प्रहरीले नियन्त्रणमा लिई अदालतबाट म्याद थप गरिसकेको छ। हाल कर्तव्य ज्यान मुद्दामा प्रहरी वृत्त बौद्धबाट थप अनुसन्धान भइरहेको जिल्ला प्रहरी परिसर, काठमाडौंले जनाएको छ।
