काठमाडौँ । चन्द्रागिरी नगरपालिकाको नागढुंगामा ट्राफिक प्रहरीका इन्स्पेक्टरले एकजना प्रहरी हवल्दारलाई कुटेका छन् ।
बुधवार सडकमै इन्स्पेक्टर जितेन्द्र साहले प्रहरी सहायक हवल्दारलाई कुटेको भिडियो सामाजिक सञ्जालमा भाइरल भईरहेको छ ।
भिडियोमा इन्स्पेक्टरले प्रहरी हवल्दारलाई चड्कन हानेको प्रष्ट देखिएको छ । यसबारे इन्स्पेक्टर साहले आफ्नो कमाण्डमा स्पष्टीकरण दिएका छन् । उनले सहायक हवल्दारले ट्रक चालकसँग रकम लिएको भेटेपछि आफूले कुटेको बताएका छन् ।
त्यहाँ के भएको भनेर बुझ्ने काम भइरहेको उपत्यका ट्राफिक प्रहरी कार्यालयका एसपी दीपक गिरीले बताए ।
