काठमाडौँ । जाजरकोट कारागारमा थुनामा रहेका एक युवक झुण्डिएको अवस्थामा मृत फेला परेका छन् ।
मृत भेटिनेमा भेरी नगरपालिका–१० का २६ वर्षीय दीपक बुढा रहेका छन् ।
उनले आइतबार बिहान कारागारको शौचालयमा झुण्डिएर आत्महत्या गरेका हुन् ।
प्रहरीका अनुसार उनी जबर्जस्ती करणी आरोपमा २०८१ चैत ५ गतेदेखि पुर्पक्षका लागि थुनामा राखिएका थिए ।
मुद्दाको फैसला आउनुअघि नै उनले आत्महत्या गरेका हुन् । घटनाको विस्तृत अनुसन्धान भइरहेको प्रहरीले जनाएको छ
।
