काठमाडौं । इन्डियन प्रिमियर लिग (आईपीएल) २०२५ को बाँकि सबै खेल स्थगित भएको छ ।
पाकिस्तानसँग बढ्दो तनावका बीच बीसीसीआईले जारी १८ औँ संस्करणको आईपीएल अनिश्चितकालका लागि स्थगित गर्ने निर्णय गरेको हो ।
यसअघि बिहीबार हिमाञ्चल प्रदेशको धर्मशालामा जारी पञ्जाब र दिल्ली खेल बीचमै रोकिएको थियो । १०.१ ओभरको खेल जारी रहँदा पञ्जाबले १ विकेट गुमाएर १ सय २२ रनको उत्कृष्ट स्कोर बनाउँदा पाकिस्तानले भारतका विभिन्न भागमा आक्रमण गरेपछि ‘ब्ल्याक आउट’ गरिएको थियो । जसका कारण फ्लडलाइट बन्द गरेर समर्थक र खेलाडीलाइ मैदानबाट बाहिर पठाइएको थियो ।
जारी सिजनको आइपिएलमा १२ लिग खेल बाँकी रहेका छन् । प्रतियोगिताको फाइनल २५ मे’मा हुने कार्यतालिका रहेको थियो ।
उता, पाकिस्तानले भने पाकिस्तान सुपर लिग (पिएसएल) का बाँकी खेल युएईमा सार्ने निर्णय गरिसकेको छ।
