काठमाडौँ । नेपाली कांग्रेसका सांसद माया राई पक्राउसम्बन्धी जानकारी सदनलाई गराइएको छ ।
प्रतिनिधिसभाको आजको बैठकमा उपसभामुख इन्दिरा रानाले सांसद राईलाई पक्राउ गरिएकोसम्बन्धी जिल्ला प्रहरी परिसर काठमाडौँको पत्र वाचन गरेर सुनाउनुभयो ।
स्वर्णलक्ष्मी बहुउद्देश्यीय सहकारी संस्था लिमिटेडका अध्यक्ष एवं सञ्चालक गितेन्द्रबाबु राईसमेत भएको ठगी र सङ्गठित अपराधसम्बन्धी कसुर मुद्दामा फरार सांसद राईलाई अनुसन्धानका लागि प्रहरीले आइतबार राति काठमाडौँको बूढानीलकण्ठबाट पक्राउ गरेको थियो ।
