काठमाडौं । आज देशका विभिन्न स्थानमा हल्का वर्षा हुने सम्भावना रहेको छ । योसँगै केही दिनदेखि अत्यधिक महसुस भएको गर्मी घट्ने प्रक्षेपण गरिएको छ ।
आज अपराह्नदेखि केही ठाउँमा मेघगर्जनसहित वर्षाको सम्भावना रहेको मौसमविद्ले बताएका छन् । भोलिदेखि तापक्रम घट्ने भएकाले गर्मी कम हुने छ ।
भोलि अपराह्नमा नेपालको काठमाडौंलगायत पूर्वी आधा भेगमा राम्रो वर्षा हुने सम्भावना छ । साथै तापक्रममा उल्लेखनीय कमी पनि आउने हुँदा गर्मी घट्ने सम्भावना रहेको छ ।
पछिल्ला केही दिनयता लुम्बिनी प्रदेशका तराईका जिल्लामा तापक्रम ४० डिग्रीभन्दा माथि पुगेको थियो । जसकारण तातो हावाको चेतावनी दिइएको थियो । अन्य प्रदेशका तराईका जिल्लामा पनि तापक्रम ३८ डिग्रीभन्दा माथि मापन भएको थियो ।
