काठमाडाैँ । नेकपा (एमाले)का उपमहासचिव योगेश भट्टराईले प्रधानमन्त्री बालेन्द्र शाहले संयुक्त राष्ट्रसंघको महासभामा व्यक्त गर्नुभएको धारणा सकारात्मक रहेको बताउनुभएको छ ।
भट्टराईले सामाजिक सञ्जालमार्फत प्रधानमन्त्री शाहको सम्बोधनमा युद्ध, अन्तर्राष्ट्रिय द्वन्द्व, घातक हतियारको बिक्री तथा व्यापारिक होडबाजीका कारण साना र कमजोर मुलुक तथा नागरिकमाथि परिरहेको नकारात्मक दबाबको विषय उठाइएको उल्लेख गर्नुभएको हो ।
त्यस्तै, जलवायु परिवर्तनका कारण नेपालले भोगिरहेको समस्या र आगामी दिनमा देखिन सक्ने विश्वव्यापी संकटबारे पनि सम्बोधनमा चर्चा गरिएको उहाँले बताउनुभएको छ । प्रधानमन्त्री शाहले जलवायु न्याय तथा क्षेत्रीय र अन्तर्राष्ट्रिय सहकार्यको विषयसमेत उठाउनुभएको भट्टराईको भनाइ छ ।
भट्टराईले यी विषय नेपालले विगतदेखि नै निरन्तर उठाउँदै आएको र वर्तमान समयमा पनि नेपालले यिनै विषयमा जोड दिनुपर्ने बताउनुभएको छ । उहाँले प्रधानमन्त्री शाहलाई धन्यवादसमेत दिनुभएको छ ।
