काठमाडौं । डा सिके राउत नेतृत्वको जनमत पार्टी र रेशम चौधरी संरक्षक रहेको नागरिक उन्मुक्ति पार्टी (नाउपा)बीच वैशाख १७ गते एकताको घोषणा हुने भएको छ ।
दुई पार्टीबीच एकता घोषणा गर्ने तयारी भएको अध्यक्ष राउतको सचिवालयले जनाएको छ ।
‘नेपालकै राजनीतिमा दूरगामी प्रभाव पार्ने र इतिहासमै नभएको अभूतपूर्व मिलन र एकता हुँदैछ ।’, सचिवालयले भनेको छ, ‘जनताको भावना र आकांक्षा एकता भएकोले हामी एकताको लागि अगाडि बढ्ने छौँ। ’
दुई पार्टीबीच भएको सहमति अनुसार पार्टी एकतापछि पार्टीको नाम नागरिक जनमत रहने छ । यस्तै, पार्टीको अध्यक्ष राउत, संरक्षकमा रेशम चौधरी र रञ्जिता श्रेष्ठलाई सहअध्यक्ष बनाउने र संयुक्त पार्टीको चुनाव चिन्ह ढकिया रहने सहमती भएको छ ।
