काठमाडौँ । शिक्षामन्त्रीमा एमाले नेता रघुजी पन्त नियुक्त भएका छन् ।
बुधबार राष्ट्रपति रामचन्द्र पौडेलले शिक्षामन्त्रीमा पन्तलाई नियुक्त गर्नुभएको हो ।
नेपालको संविधानको धारा ७६ को उपधारा (९) बमोजिम राष्ट्रपति पौडेलले प्रधानमन्त्री केपी शर्मा ओलीको सिफारिसमा पन्तलाई शिक्षामन्त्रीमा नियुक्त गर्नुभएको राष्ट्रपति कार्यालयले जनाएको छ ।
यसअघि तत्कालीन शिक्षामन्त्री विद्या भट्टराईले व्यक्तिगत कारण देखाउँदै पदबाट राजीनामा दिएकी थिइन् ।
