काठमाडौँ । नेपाली सुनचाँदी बजारमा सोमबार सुनको मूल्यले नयाँ कीर्तिमान बनाएको छ ।
आज प्रतितोला १२०० रुपैयाँले बढ्दै सुनको मूल्य हालसम्मकै उच्च बिन्दुमा पुगेको नेपाल सुनचाँदी व्यवसायी महासंघले जनाएको छ ।
सोमबार छापावाल सुनको मूल्य प्रतितोला एक लाख ९१ हजार रुपैयाँ कायम भएको छ । जुन हालसम्मकै उच्च मूल्य हो । यसअघि बिहीबार सुनको उच्च मूल्य तोलामा एक लाख ९० हजार छ सय रुपैयाँ कायम भएको थियो ।
आइतबार सुनको मूल्य तोलामा एक लाख ८९ हजार आठ सय रुपैयाँमा कारोबार भएको थियो ।
यस्तै, सोमबार चाँदीको मूल्य भने स्थिर रहेको छ । आज चाँदी आइतबारकै मूल्य प्रतितोला एक हजार ९६० रुपैयाँमा कारोबार भईरहेको महासंघले जनाएको छ ।
