काठमाडौं । आईसीसी यू–१९ विश्वकप क्रिकेट एसिया छनोट अन्तर्गतको खेल रद्ध भएको छ ।
मौसमका कारण नेपाल र अफगानिस्तानको खेल हुन नसकेको हो । शनिबार बिहान ९ बजेबाट प्रतियोतिता सुरु हुने तय थियो । तर मौसमले साथ नदिएपछि खेल हुन सकेन ।
योसँगै रनरेटका आधारमा अफगानिस्तान छनोट भएको छ । पछिल्ला तीन वटा खेलमा दुवै टोली विजयी भएका थिए । तसर्थ आज आफ्नो अन्तिम खेल जितेर विश्वकपमा छनोट हुने अवसर दुबै टोलिलाई थियो ।
नेपालले युएईलाई ५ रन, ओमानलाई ८ विकेट र हङकङलाई ९ विकेटले पराजित गरेको थियो ।
अर्कोतर्फ अफगानिस्तानले ओमान र हङकङलाई ८–८ विकेट र युएईलाई १ सय ८० रनले हराएको थियो ।
