काठमाडौं । ‘अच्छा लिकिन लण्डनको चिसोले समाउला’ले नयाँ भर्सनमा सार्वजनिक भएको छ ।
यसअघि यो गीत फिल्म ‘दैव संजोग’मा समेटिएको सो गीत प्रदर्शन तयारीमा रहेको फिल्म ‘नरसिंहा अवतार’मा समेटिएको छ ।
बुधबार काठमाडौमा अआयोजित पत्रकार सम्मेलनमा गीत सार्वजनिक गरियो । गीतमा शम्भुजीत बासकोटाको स्वर, शब्द र संगीत छ भने नयाँ पुस्ताका गायीका रचना रिमालले साथ दिएकी छिन् । पुरानो भर्सनमा शम्भुजीत र देविका बन्दनाको स्वर रहेको थियो । गीत सुन्दा धेरै दर्शकले पुराना यादलाई ताजा महसुस गर्ने श्रष्टा बासकोटाले जानकारी दिनुभयो ।
नयाँ गीतमा कविराज गहतराजको नृत्य निर्देशन छ । राजेश हमाल, सरोज खनाल, राज कटुवाल, नीति शाह, सनिशा भट्टराई, उषा खड्गी, दीपा शाही, एल्भिना खड्का गीतमा प्रस्तुत छन् ।
दीवाकर भट्टराईको लेखन र निर्देशनमा तयार भएको फिल्ममा अर्जुन श्रेष्ठ, प्रशान्त ताम्राकार, नीर शाह, रमेशचन्द सोडारी, प्रकाश कुँवर, राजिभ जंग बस्नेत, अमित गिरीको पनि अभिनय छ । ‘नरसिंहा अवतार’ ९ जेठदेखि प्रदर्शन तयारीमा छ ।
