काठमाडौँ । ललितपुरको मंगलबजारमा ११ वर्षीया बालिकाको हत्या प्रकरणमा दाइ पक्राउ परेका छन् ।
काठमाडौँ उपत्यका अपराध अनुसन्धान कार्यालयका अनुसार मृतकका १५ वर्षीय दाइलाई पक्राउ गरिएको हो ।
मंगलबजार बस्ने भगबती बोहराले आफ्नी छोरी दुर्गा बोहरा चैत ४ गतेरातिदेखि हराएको भनि जिल्ला प्रहरी परिसर ललितपुरमा निवेदन दिएकी थिइन् ।
सोही निवेदनका आधारमा खोजतलास गर्दा चैत २९ गते ललितपुर महानगरपालिका वडा नम्बर ९ स्थित खपिन्छेँ स्थित बाबुराजा अवालेको पुरानो घरको भुई तलामा रहेको पानी ट्याङकीमा सडेगलेको अवस्थामा शव भेटिएको थियो ।
त्यसपछि अपराध अनुसन्धान कार्यालयले जिल्ला प्रहरी परिसर ललितपुर समेतको सहयोगमा अनुसन्धान गर्दा दाइकै संलग्नता खुलेसँगै उनलाई पक्राउ गरिएको प्रहरीले जनाएको छ ।
उनलाई मंगलबजार एरियाबाट नियन्त्रणमा लिइएको हो ।
