काठमाडौँ । नेपाल बार एसोसिएसनको २७ औँ केन्द्रीय कार्यसमितिमा नेकपा एमाले र नेपाली कांग्रेस निकट कानुन व्यवसायीको प्यानलले क्लिनस्विप गरेको छ ।
अध्यक्षमा प्राडा विजयप्रसाद मिश्र २ हजार ४३१ मतले विजयी भएका छन् । उनले ५ हजार ५२ मत पाउँदा प्रतिद्वन्द्वी नेकपा माओवादी निकट व्यावसायिक कानुन व्यवसायी समूहका वरिष्ठ अधिवक्ता रमनकुमार श्रेष्ठले २ हजार ६२१ मत ल्याएका छन् ।
यस्तै, महासचिवमा एमाले निकटक केदारप्रसाद कोइराला विजयी भएका छन् । उनले ४ हजार ८७४ मत पाउँदा प्रतिद्वन्द्वी राष्ट्रिय स्वतन्त्र पार्टीनिकट कानुन व्यवसायी यज्ञमणि न्यौपानेले २ हजार ३६७ मत पाए ।
यस्तै, मिश्र प्यानलबाट उपाध्यक्षहरूमा कोशीबाट पदमप्रसाद लिम्बु, मधेसबाट अजयशंकर झा, बागमतीबाट तेजबहादुर रावल, गण्डकीबाट भूपेन्द्र खनाल, लुम्बिनीबाट कृष्णप्रसाद पोखरेल, कर्णालीबाट विवशकुमार बस्नेत, सुदूरपश्चिमबाट सिद्धराज ओझा, महिला उपाध्यक्षबाट सरस्वती श्रेष्ठ विजयी भए ।
