काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछानेलाई गैरकानुनी तवरबाट पक्राउ गरिएको भन्दै रास्वपाका नेताहरू मानव अधिकार आयोगको कार्यालय जाँदैछन् ।
सभापति लामिछानेलाई गैरकानुनी पक्राउ गरिएको र पक्राउ गर्दाको प्रहरीले गरेको ज्यादतीविरुद्ध ध्यानाकर्षण गराउन अहिले ११ः३० बजे पुल्चोकस्थित मानव अधिकार आयोगको कार्यालय जान आटेको पार्टीको केन्द्रीय सदस्य शिशिर खनालले जानकारी दिए ।
बुटवलको सुप्रिम सहकारी ठगी र संगठित अपराधसम्बन्धी मुद्दामा उच्च अदालत तुलसीपुरको इजलासले थुनामा राख्न आदेश दिएपछि प्रहरीले शुक्रवार लामिछानेलाई उनकै घरबाट पक्राउ गरेको थियो ।
