काठमाडौं । च्याम्पियन्स लिग फुटबलमा आर्सनलले जित निकालेको छ ।
क्वाटरफाइनलको पहिलो लेगमा ईंग्लिश क्लब आर्सनलले स्पेनी क्लब रियल मड्रीडलाई ३-० गोलले हराएको हो ।
घरेलु मैदान इमिरेट्समा आर्सनललाई जित दिलाउन डेक्लान राइसले दुई तथा मिकेल मेरिनोले एक गोल गरे ।
राइसले खेलको ५८ औं र ७० औं मिनेटमा गोल गरेका हुन् । उनले दुबै गोल फ्रीकिकमा गरे ।
यस्तै ७५ औं मिनेटमा मेरिनोले गोल थपेपछि आर्सनल ३-० ले विजयी बन्यो । अब दोस्रो लेग अप्रिल १७ मा रियलको घरेलु मैदानमा हुनेछ ।
