काठमाडौँ । नेपाल बार एशोसिएनले अदालतको आदेश तथा फैसलाहरुमा बौद्धिक बहस तथा छलफल हुन सक्ने भए पनि यहि बिषयलाई लिएर समग्र न्यायपालीका र न्यायप्रणालीप्रति अनास्था फैलाउने टिका टिप्पणी र प्रदर्शन गर्ने कार्यलाई उचित मान्न नसकिने जनाएको छ ।
आईतबार बिज्ञप्ति जारी गर्दे कानून ब्यबसायीहरुको छाता संगठन नेपाल बारले त्रुटिपूर्ण रुपमा कुनै फैसालाहरु भएको भए पनि ती प्रक्रिया अन्तरगत अदालतबाट नै सच्चाउने बिधि र प्रक्रिया हुने कुरा पनि बारले स्मरण गराएको छ ।
बारले अदालतको जनआस्थालाई कमजोर पार्ने किसिमका गतिबिधीमा नलाग्न समेत सबैमा आग्रह गरेको छ । बार एशोसिएसनले न्यायपालिका र न्यायपरिषद्को काम कारबाहीका सम्बन्धमा बिभिन्न समयमा गम्भीर ध्यानकर्षण गराएको जनाउदै दिईएका सुझाबहरुलाई गम्भिरतापूर्बक लिई आबश्यक सुधारको प्रक्रिया थालनी गर्न सर्बोच्च अदालत र न्यायपरिषद्संग आग्रहसमेत गरेको छ ।
पेशी सूचि ब्यबस्थापन बिषय लाई स्वचालित प्रणाली अनुसार गर्नुपर्ने न्यायाधीस नियुक्तिका सबालमा उठेका प्रश्नहरुका बारेमा पनि गम्भिर हुन आग्रह गरेको छ । पेशी सूचि पटक पटक अबैज्ञानिक किसिमबाट भएको जनाउदै बारले पटक पटक अवैज्ञानिक किसिमले हुने गरेको कार्यले बढी बिवादित भएको ठहर गरेको छ ।
न्यायपालिकाको सक्षमता स्वतन्त्रता, निष्पक्षता तथा न्यायीक सदबिवेकको आधारमा कानून बमोजिम न्यायसम्पादन गर्नुपर्ने कुरामा कुनै बिमति नहुने भन्दै बार एशोसिएसनले आफनो दृष्टिकोण स्पष्ट पारेको छ ।
कहिलेकाही कुनै अदालतबाट भएको आदेश तथा फैसलालाई लिएर भए गरेका टिप्पणीलाई बारले गम्भिरतापूर्बक लिएको जनाएको छ । अदालतको सहयोगी, अदालतको स्वतन्त्रता , सक्षमता निष्पक्षताको पक्षमा बिकृति बिसंगति बिरुद्ध बार एशोसिएसन मूकदर्शक भएर बस्न नसक्ने जनाएको छ ।
मुलुकभरका कुनै अदालतबाट बिकृति बिसंगति आदेश तथा फैसलाहरु भएको भए केन्द्रिय कार्यलयमा जानकारी गराउन पनि आग्रह गरेको छ । कुनै अदालतबाट भएका आदेश वा फैसलालाई लिएर सञ्चारमाध्यामले उठाएका बिषय तथा जतस्तर बाट भएको बिरोध प्रति सचेत हुदै त्यस्ता आदेश तथा फैसलाहरु हुन नहुने पनि बारले जनाएको छ ।
अदालतको आदेश तथा फैसलाहरुमा बौद्धिक बहस तथा छलफल हुन सक्ने तर यहि बिषयलाई लिएर समग्र न्यायपालिका र न्यायप्रणालीप्रति अनास्था फैलाउने टिकाटिप्पणी र प्रदर्शन गर्ने कार्यलाई उचित मान्न नसकिने बारले जनाएको छ । त्रुटिपूर्ण रुपमा कुनै फैसालाहरु भएको भए पनि ती प्रक्रिया अन्तरगत अदालतबाट नै सच्चाउने बिधि र प्रक्रियाहुने कुरा पनि बारले स्मरण गराएको छ ।
