२३ चैत्र २०८१, शनिबार
April 5, 2025 Saturday

27.27°C

काठमाडौं

27.27°C

Kathmandu

Feels-like: 26.31

Wind: 4.12

Humidity: 22

Latest
सञ्चार क्षेत्रसामू अर्थमन्त्री विष्णु पौडेलको प्रतिवद्धता : ढुक्क हुनोस, आफ्नो क्षमताले भ्याएसम्म सरकारले सहयोग गर्छ बुद्ध दर्शनको प्रचारप्रसार र लुम्बिनीको पर्यटन प्रवद्र्धनमा थाई सरकारको योगदान श्रीमान–श्रीमती छुट्टाछुट्टै ओछ्यानमा किन सुत्नुपर्छ ? यी १० कारणले टुट्छ रोमान्टिक सम्बन्ध, कसरी टिकाइराख्ने ? सरकारले शिक्षकहरुका माग सम्बोधन गर्छ, उहाँहरु छिटै फर्किनुहुनेछः प्रधानमन्त्री ओली तीनकुने घटनाको निष्पक्ष छानविन हुन्छ, न्यायिक आयोगबारे विचार गर्छौंः प्रधानमन्त्री सगरमाथा संवादमा भारतीय प्रधानमन्त्री मोदी आउन नभ्याउने परराष्ट्रमन्त्रीको पहलमा यसरी सम्भव भयो ओली मोदी भेट एकीकृत समाजवादीले देशभर विरोध प्रदर्शन गर्ने प्रधानमन्त्री ओली स्वदेश फिर्ता
तपाईं के खोज्दै हुनुहुन्छ ?

आईपीएल आजः आरसीबी र गुजरातबीच भिडन्त



अ+ अ-

काठमाडौँ । आईपीएल २०२५ अन्तर्गतको १४ औं खेलमा आज रोयल च्यालेन्जर्स बैंगलोर (आरसीबी) र गुजरात टाइटन्स (जिटी) बीच खेल्दैछ ।

खेल बैंगलोरको घरेलु मैदान एम चिन्नास्वामी स्टेडियममा साँझ ७ः४५ बजेबाट सुरु हुनेछ । दुवै टोली यो सिजन पहिलो पटक आमनेसामने हुँदैछन् । गत सिजन दुवै टोली दुई पटक भिडेका थिए । दुबै खेलमा बैंगलोर विजयी भएको थियो ।

दुई खेलमा जित हात पारेको बैंगलोर ४ अंकसहित अंक तालिकाको पहिलो स्थानमा छ । अर्कोतर्फ गुजरात दुई खेलमा एक जितसहित २ अंक जोडेर चौथो स्थानमा छ ।

आईपीएलमा गुजरात र बैंगलोरबीच कुल ५ खेल भएका छन् । जसमा बैंगलोर ३ खेलमा विजयी भएको छ भने गुजरातले २ खेल जितेको छ । एम चिन्नास्वामी स्टेडियममा दुबै टोली तेस्रो पटक आमने सामने हुनेछन् । यसअघि खेलिएका दुई खेलमा दुवैले १–१ को जित निकालेका थिए ।

विराट कोहली आरसीबीका सर्वाधिक स्कोरर हुन् । आफ्नो अन्तिम खेलमा उनले चेन्नईविरुद्ध ३० बलमा ३१ रनको इनिङ खेलेका थिए । पहिलो खेलमा कोलकाताविरुद्ध अविजित ५९ रन बनाएको थियो । दोस्रो नम्बरमा कप्तान रजत पाटीदार छन् । पछिल्लो खेलमा उनले चेन्नईविरुद्ध ३२ बलमा ५१ रन बनाएका थिए । यो सिजन दुई खेलमा उनको नाममा ८५ रन छन् । बलिङमा जोस हेजलउड ५ विकेट लिएर शीर्ष स्थानमा छन् ।

अर्कोतर्फ गुजरातका सर्वाधिक स्कोरर साई सुदर्शनले यो सिजन खेलेका दुवै इनिङ्समा अर्धशतक बनाएका छन् । उनले पछिल्लो खेलमा मुम्बईविरुद्ध ६३ रन बनाएका थिए । उनले पहिलो खेलमा पञ्जाबविरुद्ध ७४ रनको इनिङ खेलेका थिए । आर साई किशोरले २ खेलमा ४ विकेट लिएका छन् । उनी टोलीका लागि सर्वाधिक विकेट लिने खेलाडी हुन् ।

कस्तो छ पिच ?
बैंगलोरको एम चिन्नास्वामी स्टेडियमको पिच ब्याट्सम्यानका लागि सहयोगी साबित भएको छ ।

आईपीएलमा, यो मैदानमा सजिलैसँग २०० भन्दा बढी रन पछ्याउन सकिन्छ । आगामी खेलमा पनि ब्याटिङका ​​लागि पिच सहज बन्न सक्छ ।

टस जित्ने टोलीले पहिले बलिङ गर्ने निर्णय गर्न सक्छ । अहिलेसम्म यहाँ ९५ आईपीएल खेल खेलिएका छन् । ४१ खेलमा पहिले ब्याटिङ गर्ने टोलीले जितेको छ भने ५० वटामा पछ्याउने टोलीले जितेको छ ।

बैंगलोरमा अप्रिल आज हल्का घाम र बादल लाग्ने मौसम हुनेछ । वर्षाको सम्भावना छैन । यस दिन यहाँको तापक्रम २० देखि ३३ डिग्री सेल्सियसको बीचमा रहनेछ ।

दुबै टोलिका सम्भावित सुरुवाती–१२
रोयल च्यालेन्जर्स बैंगलोरः रजत पाटीदार (कप्तान), फिल साल्ट, विराट कोहली, देवदत्त पडिक्कल, लियाम लिभिङ्स्टन, जितेश शर्मा (विकेटकीपर), टिम डेभिड, क्रुणाल पाण्ड्या, भुवनेश्वर कुमार, जोस हेजलवुड, यश दयाल, सुयश शर्मा ।

गुजरात टाइटन्सः शुभमन गिल (कप्तान), साई सुदर्शन, जोस बटलर (विकेटकिपर), शाहरुख खान, शेरफान रदरफोर्ड, राहुल तेवाटिया, राशिद खान, कागिसो रबाडा, साई किशोर, मोहम्मद सिराज, प्रसिद कृष्ण, इशान्त शर्मा ।