काठमाडौं । राजतन्त्र पुनस्थापनाका लागि जनआन्दोलन समितिका कमाण्डर दुर्गा प्रसाईंले प्रहरीले जहाँ बोलायो त्यहीँ आउन आफू तयार रहेको बताएका छन् । प्रहरीलाई चुनौती दिँदै प्रसाईले जहाँ बोलायो त्यहिँ आउने बताएका हुन् ।
काठमाडौंमा आज राजावादीहरुले हिंसात्मक प्रदर्शन गरेपछि प्रहरीले प्रसाईंको खोजी गरिरहेको छ । तर प्रसाईंले सामाजिक सञ्जालमार्फत् प्रहरीलाई चुनौती दिएका हुन् ।
प्रसाईंले सामाजिक सञ्जाल फेसबुकबाटै आफू जहाँ बोलाए पनि आउन तयार रहेको बताएका हुन् । ‘मलाई पक्राउ गर्न प्रहरी आइरहन पर्दैन, जहाँ बोलाउँछौ त्यही आउँछु,’ प्रसाईंले भनेका छन्, ‘अब म थुनिएर आन्दोलन रोकिँदैन ।’
तीनकुनेको प्रदर्शन हिंसात्मक बनेपछि प्रहरीले प्रसाईंको खोजी थालेको छ । प्रसाईं भने आन्दोलनले चर्को रुप लिन थालेपछि प्रहरीलाई नै पेल्दै गाडी चलाएर भागेका थिए ।
