काठमाडौं । काठमाडौं महानगरपालिकाका प्रमुख बालेन्द्र शाहले उपप्रधान तथा शहरी विकास मन्त्री प्रकाशमान सिंहलाई नेपाली कांग्रेसको इतिहास माटोमा नमिसाउन सुझाव दिएका छन् ।
मेयर बालेन्द्र शाहले आज सामाजिक सञ्जालमा स्टाटस लेख्दै गणेशमान सिंह, पीएल सिंह र नेपाली कांग्रेसको इतिहास माटोमा नमिसाउन सुझाव दिएका हुन् ।
उनले अव्यवस्थित वस्ती हटाउने, कपन खोला व्यवस्थित गर्ने, बालमन्दिर बचाउने, सार्वजनिक सम्पत्ति जोगाउने प्रयास गर्ने कुरा सधैं कुरामा मात्रै रहेको भन्दै यी काम कहिले गर्ने भनेर प्रश्नसमेत गरेका छन् ।
मेयर शाहले के लेखेका छन् त ?
माननीय सहरी विकास मन्त्री प्रकाशमान सिंहज्यु,
अव्यवस्थित बस्ती हटाउने, कपन खोलालाई व्यवस्थित गर्ने, बालमन्दिर बचाउने, सार्वजनिक सम्पत्ति जोगाउने प्रयास गर्ने कुरा सधैं कुरामै रह्यो। कहिले गर्ने हो ?
मलाई हराउने नाममा आफ्नो शहर, क्षेत्र, र देश चाहिँ नहराउनु होला। यत्रो गणेशमान सिंह, पी.एल. सिंह, र नेपाली कांग्रेसको इतिहास माटोमा नमिसाउनु होला ।
