काठमाडौं । डोटीमा भएको बस दुर्घटनामा परी ज्यान गुमाएका तीन जनाको सनाखत भएको छ।
बुधबार बिहान जिल्लाको पूर्वीचौकी गाउँपालिका–१ फुलौटमा बस दुर्घटना हुँदा अछामको बान्नीगढी जयगढ गाउँपालिका ३ का ५९ वर्षीय पदम साउद, चौरपाटी गाउँपालिका ७ का ३१ वर्षीय टीकाराम विक र साँफेबगर नगरपालिका २ का ५५ वर्षीय लक्ष्मीदेवी विकको मृत्यु भएको प्रहरीले जनाएको छ।
जिल्ला प्रहरी कार्यालय डोटीका प्रहरी नायब उपरीक्षक ईन्द्रबहादुर मल्लका अनुसार मृतकको शव परीक्षणका लागि जिल्ला अस्पताल डोटी लगिएको र घाइते भएका ३१ मध्ये १२ जनाको अवस्था गम्भीर रहेको छन्।
घाइतेमध्ये पाँच जनालाई एम्बुलेन्समार्फत् सेती प्रादेशिक अस्पताल धनगढी रिफर गर्न लागिएको अन्यको जिल्ला अस्पताल डोटीमै उपचार भइरहेको छ। बस सडकबाट एक सय मिटर तल खसेको छ।
