काठमाडौं: पूर्वराष्ट्रपति विद्यादेवी भण्डारीले कविता समाजलाई सुसुचित गर्ने महत्वपूर्ण माध्यम भएको बताउनुभएको छ ।
शनिवार काठमाडौंमा कति तीर्थ श्रेष्ठको एकल कविता वाचन कार्यक्रमलाई सम्बोधन गर्दै उहाँले यस्तो बताउनुभएको हो । उहाँले कवितामा व्यक्त आशय र विचारहरु यथार्थमा आधारित हुने बताएनु भयो । यथार्थमा आधारित कुराहरु समाजलाई जानकारी गराउने प्रभावशारी माध्यम भएको जिकिर गर्नुभयो । कविताका माध्यमबाट देश र संसारलाई बुझ्ने अवसर मिल्ने बताउनु भयो ।
पूर्वराष्ट्रपति भण्डारीले भन्नुभयो,‘कवितामा व्यक्त जो आशय र विचारहरु छन्, यथार्थमा आधारित कुराहरु छन् । त्यो यथार्थ कुरा समाजलाई जानकारी गराउने विभिन्न माध्यमहरु हुन्छ । कविता यस्तो प्रभावशाली माध्यम हो, जसबाट हामीले एकैछिनमा संसारलाई बुझ्ने अवसर प्राप्त हुन्छ । हामीले देश र संसारलाई कतिवतामार्फत बुझ्न पायौँ ।’
पूर्वराष्ट्रपति भण्डारीले कविता वाचन जस्ता कार्यक्रमहरु आगामी दिनमा देशव्यापी रुपमा हुँदै जानुपर्ने बताउनु भयो । –न्युज एजेन्सी नेपाल
कवि श्रेष्ठले नेपाली जनजीवनमा गर्नसक्ने काम आफूले लेखनमार्फत गर्ने प्रतिबद्धता व्यक्त गर्नुभयो । फाउण्डेशनका अध्यक्ष उषाकिरण भण्डारीले कवि श्रेष्ठको साहित्य रचनाले नेपाली साहित्य र भाषा अध्ययनमा सहयोगी हुने बताउनुभयो । उहाँले राष्ट्रियताको सोच र चिन्तनलाई भावी पुस्तासम्म हस्तान्तरण गर्न यस्ता कार्यक्रमले सहयोग पुग्ने विश्वास व्यक्त गर्नुभयो ।
तस्बिरः प्रदीपराज वन्त÷रासस
