काठमाडौँ । नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले तस्बिर जलाउँदैमा पक्राउ गर्न नहुने बताएका छन् ।
अध्यक्ष दाहालले लोकतन्त्रमा विरोधका विभिन्न रुप हुने भन्दै फोटो जलाउँदैमा गिरफ्तार गर्नु उचित नहुने बताएका हुन् ।
स्वयं प्रचण्डको तस्बिर जलाउने राप्रपानिकट युवा संगठनका नेता निराजन बम पलाँतालाई प्रहरीले पक्राउ गरेको थियो ।
राप्रपानिकट राष्ट्रिय प्रजातान्त्रिक युवा संगठन मकवानपुरको जिल्ला अधिवेशनको क्रममा हिजो(शनिबार) उनले प्रचण्डको तस्बिर जलाएका थिए ।
उनी पक्राउ परेपछि अध्यक्ष दाहालको यस्तो प्रतिक्रिया आएको हो । अध्यक्ष दाहालले फेसबुकमा भनेका छन्– लोकतन्त्रमा विरोधका विभिन्न रुप हुन्छन् । फोटो जलाउँदैमा गिरफ्तार गर्नु उचित हुँदैन ।
