४ चैत्र २०८१, सोमबार
March 17, 2025 Monday

12.27°C

काठमाडौं

12.27°C

Kathmandu

Feels-like: 10.96

Wind: 1.54

Humidity: 54

Latest
पाँचौ एपिक नेपाल म्युजिक अवार्ड सम्पन्न: ३२ विधामा अवार्ड प्रदान एनएमसीमा समय अगावै जन्मिएका जुम्ल्याहा बच्चाहरुको बचाइयो ज्यान ५२ लाख पुरस्कारको १७औं धर्मश्रीको तयारी पूरा क्षितिज र नीता यलम्बर ब्याडमिन्टन च्याम्पियन चौध वटा सङ्घीय अस्पतालमा नयाँ सेवा थप गरिने डढेलो गाउँ पस्दा एक विद्यालयसहित सात घर जलेर नष्ट आगामी बजेटमा करका दर भन्दा दायरा बढाउन महासंघ अध्यक्ष ढकालको सुझाव जनताप्रति जिम्मेवार हुनेगरी सङ्घीयता कार्यान्वयनमा ध्यान दिनुपर्छ: सभापति देउवा अफगानिस्तानमा जुनसम्ममा ८० प्रतिशत सेवाहरू बन्द हुने डब्लुएचओको चेतावनी बाइडेनले आफ्ना विपक्षीलाई दिएको माफी रद्द गर्ने ट्रम्पको दाबी
तपाईं के खोज्दै हुनुहुन्छ ?

यस्तो रहस्यमयी ठाउँ, जहाँ पुगेपछि अचानक गायब हुन्छन् विमान !



अ+ अ-

एजेन्सी । संसारमा धेरै रहस्यमय र खतरनाक ठाउँहरू छन् । मानिन्छ कि यदि पृथ्वीमा सबैभन्दा खतरनाक कुनै ठाउँ छ भने त्यो हो बर्मुडा ट्रयाङ्गल र एरिया–५१ ।

तर आज हामी तपाईलाई एउटा यस्तो ठाउँको बारेमा बताउन गइरहेका छौँ जसलाई बर्मुडा ट्राइङ्गलभन्दा पनि खतरनाक मानिन्छ । यो ठाउँ अमेरिकाको नवादामा अवस्थित छ, जसलाई नेभादा ट्रयाङ्गल भनिन्छ ।

बर्मुडा ट्रयाङ्गल जस्तै नेभादा ट्रयाङ्गलमा पनि रहस्यमयी घटनाहरु हुने गर्दछ । भनिन्छ, यो ठाउँ यति खतरनाक छ कि यहाँबाट गुज्रिएको कुनै पनि विमान आजसम्म फर्केको छैन ।

एक रिपोर्टका अनुसार विगत ६० वर्षमा यहाँ २ हजारभन्दा बढी विमान दुर्घटनाग्रस्त भएका छन् भने सयौं पाइलट जिउँदै फर्किएका छैनन् ।

भनिन्छ, नेभादा ट्रयाङ्गलमा कुनै रहस्यमय शक्ति छ जसले विमानहरूलाई आफूतर्फ आकर्षित गर्छ, जसका कारण तिनीहरू दुर्घटनाग्रस्त हुन्छन् । त्यो शक्ति के हो, यो अझै पनि वैज्ञानिकहरुका लागि रहस्य नै बनेको छ ।

एरिया–५१ मा पनि यस्तै भएको छ । भनिन्छ कि यहाँ केहि गुरुत्वाकर्षण बल छ जसले विमानहरुलाई आफ्नो तर्फ आकर्षित गर्छ वा यस स्थानमा एलियन हुन सक्छ ।
तर, कतिपयले एरिया–५१ अमेरिकाको सबैभन्दा गोप्य सैन्य अड्डा मान्छन् जहाँ एलियनहरूलाई राखेर अनुसन्धान गरिन्छ भन्ने पनि विश्वास गर्छन् ।

क्षेत्रफलको हिसाबले नेभादा ट्रयाङ्गल निकै ठूलो क्षेत्र हो र लस भेगास, योसेमाइट राष्ट्रिय निकुञ्ज र एरिया–५१ पनि यस क्षेत्रमा आउँछन् । यस क्षेत्रमा ठूलो संख्यामा विमान दुर्घटना भएको कारणले गर्दा मानिसहरूले एलियनको अस्तित्वमा विश्वास गर्न थालेका छन् ।

अमेरिकाले जसरी एलियनसँग छेडछाड गरेको र त्यसको परिणाम यो भएको मानिसहरु ठान्दछन् । मानिसहरूले अमेरिकालाई एलियनहरूको बारेमा जानकारी लुकाएको आरोप लगाउँछन् ।

२५ हजार वर्ग माइलमा फैलिएको नेभादा ट्रयाङ्गलमा १८ वर्षअघि घटेको घटनाको रहस्य अझै सुल्झिएको छैन । अमेरिकी अर्बपति व्यापारी स्टिभ फासेटको विमान सेप्टेम्बर ३, २००७ मा अचानक बेपत्ता भयो र त्यसपछि उनको बारेमा केही थाहा भएन ।

सबैभन्दा अचम्मको कुरा के छ भने स्टिभसँग विमान उडाउने लामो अनुभव थियो । उनको नाममा सयभन्दा बढी कीर्तिमान छन् । यद्यपि, २००८ मा, वैज्ञानिकहरू र उद्धार टोलीहरूले स्टिभको परिचयपत्र, विमानको अवशेष र अन्य विमान दुर्घटना स्थलहरूमा केही हड्डीहरू फेला पारे ।

नेभादा ट्रयाङ्गलमा भएको विमान दुर्घटना एलियनको कारणले नभई हावाको चापका कारण भएको हुनसक्ने केही वैज्ञानिकको भनाइ छ । तिनीहरू विश्वास गर्छन् कि यहाँ विमानहरू पहाडहरूमा उड्छन्, तर त्यसपछि अचानक मरुभूमि जस्तो भूमि देखा पर्दछ । जसका कारण पाइलटले यहाँको हावाको चाप बुझ्न नसकेर विमान दुर्घटनामा पर्छन् । तर, यो उनीहरुको अनुमान मात्रै हो । यो अहिलेसम्म प्रमाणित भएको छैन ।