प्रसूति गृहका तीन चिकित्सकसहित ८ जनामा कोरोना पुष्टि

काठमाडौं । थापाथलीस्थित प्रसूति गृहमा  कार्यरत तीन जना आवासीय चिकित्सकसहित ८ जनालाई कोरोना भाइरसको संक्रमण देखिएको छ। अस्पतालमा कार्यरत चिकित्सक तथा अन्य कर्मचारीको स्वाब परिक्षण गर्ने क्रममा आज कोरोना सक्रमण पुष्टि भएको हो । 

संक्रमितमध्ये दुई जना टेकु अस्पतालको आइसोलेसनकक्षमा र अन्य सक्रमितहरु होम  आइसोलेसनमा रहेको   अस्पतालका निर्देशक डाक्टर संगीता मिश्रले जानकारी  दिनुभयो । तीन आवासीय चिकित्सकसहित अन्यमा नर्स, फार्मेसीमा कार्यरत कर्मचारी, प्राविधिक, सुरक्षागार्ड र अस्पतालभित्र रहेका बैंकका कर्मचारी रहेका छन् । 

निर्देशक मिश्रा अनुसरा अस्पतालमा भर्ना भएका बिरामीलाई भने कसैलाई पनि संक्रमण देखिएको छैन। सक्रमण देखिएपछि थप सतर्कता सहित अस्पतालको  सेवा निरन्तर रहेको उहाले जानकारी दिनुभयो ।