काठमाडौं । सत्तारुढ दल नेपाल कम्युनिष्ट पार्टी (नेकपा) का अध्यक्षद्धय छलफलमा जुटेका छन् । कार्यदलले प्रस्तुत गरेको प्रतिवेदन माथि नेकपा अध्यक्षद्वय केपी शर्मा ओली र पुष्पकमल दाहाल छलफल जुटेका हुन् ।
नेकपा सचिवालयको बैठकले अघिल्लो साता महासचिव विष्णु पौडेलको संयोजकत्वमा ६ सदस्यीय कार्यदल बनाएको थियो । कार्यदलका सदस्यहरुमा ओली गुटबाट महासचिव पौडेल र शंकर पोखरेल सदस्य थिए भने प्रचण्ड गुटबाट जनार्दन शर्मा र पम्फा भुसाल सदस्य थिए । त्यस्तै माधव नेपाल गुटबाट सुरेन्द्र पाण्डे र भीम रावल कार्यदलमा थिए ।
उक्त कार्यदलको १६ पन्ने लघु प्रतिवेदन अध्यक्षद्वय ओली प्रचण्डलाई बुझाइसकेको छ । प्रतिवेदनमा ओलीले सरकार चलाउने र अध्यक्ष प्रचण्डले अधिकार सहित कार्यकारी अध्यक्षको हैसियतले पार्टी सञ्चालन गर्ने, कुनै पनि संवैधानिक निकायका पदाधिकारी नियुक्त गर्दा पार्टीको छलफल एवम् परामर्शमा मात्र गर्ने, मन्त्रीमण्डल हेरफेर गर्ने लगायतका बुँदाहरु कार्यदलले प्रतिवेदनमा उल्लेख गरेको छ ।
