अमेरिकी राष्ट्रपति डोनाल्ड ट्रम्प र युक्रेनी राष्ट्रपति भोलोदिमर जिलेन्स्की बिच ह्वाइटहाउसको ओभल अफिसमा भनाभन र चर्काचर्की परेको छ ।
युक्रेन मामिलालाई लिएर अमेरिकी राष्ट्रपति डोनाल्ड ट्रम्प र युक्रेनी राष्ट्रपति भोलोदिमर जिलेन्स्कीबीच घोचपेच चलिरहेका बखत राष्ट्रपति जिलेन्स्की शुक्रबार वासिङ्टन डिसी पुग्नु भएको थियो ।
तर अमेरिकी राष्ट्रपतिको कार्यालयमा एकाएक वातावरण तनावमा परिणत भएको थियो । अमेरिकी राष्ट्रपति र उपराष्ट्रपति जेडी भान्सले युद्धविराम गर्न र अमेरिकी सहयोगप्रति अनुगृहीत हुन सुझाएपछि परिस्थिति बिग्रिएको थियो ।
अमेरिकी सहयोग बेगर युक्रेन टिक्न सक्दैन भन्दै ट्रम्प र भान्सले भनिरहेका थिए, तर यतिमात्र सत्य होइन भन्दै जिलेन्स्की आक्रोशित बनेका थिए ।
यो संवाद लगत्तै ट्रम्प र जिलेन्स्कीको संयुक्त पत्रकार सम्मेलन रद्द भएको छ भने दुबै देशबिच हुने भनिएको खनिज उत्खनन सम्बन्धी संझौतामा हस्ताक्षर भएन ।
त्यस लगत्तै जिलेन्स्की ह्वाइटहाउसबाट बाहिरिएका थिए ।
युक्रेन मामिलालाई लिएर अमेरिकी राष्ट्रपति डोनाल्ड ट्रम्प र युक्रेनी राष्ट्रपति भोलोदिमर जिलेन्स्कीबीच घोचपेच चलिरहेका बखत राष्ट्रपति जिलेन्स्की शुक्रबार वासिङ्टन डिसी पुग्नु भएको थियो ।
यो पनि पढ्नुहोस्
ट्रम्पसँग वार्ता गर्न युक्रेनी राष्ट्रपति जिलेन्स्की वासिङ्टन डिसीमा
