काठमाडौँ । प्रहरीले ३ किलो ७४५ ग्राम सुनसहित ३ जनालाई पक्राउ गरेको छ ।
बुधबार राति फ्लाइ दुबईबाट नेपाल आएका ३ जना उज्बेकिस्तानका नागरिक त्रिभुवन अन्तर्राष्ट्रिय विमानस्थलबाट सुनसहित पक्राउ परेका हुन् । पक्राउ पर्नेमा तीनै जना महिला रहेका छन् ।
४ जनाको टोली आएको मध्ये तीन जना महिलाको साथबाट साढे ३ किलो बढी सुन बरामद गरिएको विमानस्थल स्रोतले जनाएको छ ।
४ जनामध्ये एक जना पुरूष रहेका छन् । उनको साथबाट सुन बरामद नभए पनि उनीहरू एउटै समूहका रहेको खुलेको छ ।
तीन महिलाले मलद्वारमा डल्लो बनाएर सुन ल्याएका हुन् । उनीहरूको गतिविधि शंकास्पद रहेकाले विमानस्थलमा खटिएको प्रहरीले एक्सरेमा चेक जाँच गर्दा शंकास्पद देखिएपछि केएमसी लगेर भिडियो एक्सरे गरेर हेर्दा सुन भेटिएको थियो ।
उनीहरूमाथि थप अनुसन्धान भइरहेको प्रहरीले जनाएको छ ।
