काठमाडौँ । पूर्वराजा ज्ञानेन्द्र शाहले शाहवंशीय कुल मन्दिर आलमदेवीमा पूजाअर्चना गर्नुभएको छ । पूर्वराजा शाहले स्याङ्जाको कालीगण्डकी–३ मा अवस्थित आलमदेवी मन्दिरमा पुगेर पूजा गर्नुभएको हो ।
आलमदेवी मन्दिर १३५० सालमा स्थापना भएको मानिन्छ । शाह वंशको कुल मन्दिरका रूपमा परिचित यस आलमदेवी मन्दिरमा दैनिक सयौँ तिर्थ यात्री पुग्ने गर्छन् भने दसैँको समयमा विशेष पूजाअर्चना गर्ने परम्परा रहँदै आएको छ ।
