काठमाडौँ। प्युठानमा एक दम्पती शंकास्पद अवस्थामा मृत फेला परेका छन् ।
जिल्लाको माण्डवी गाउँपालिका–२ रातापानीमा ६० वर्षिय रामबहादुर परियार र उनकी श्रीमती ५६ वर्षीया हुकुमा परियार आफ्नै घरमा मृत भेटिएका हुन् ।
राति खाना खाएर सुतेका परियार दम्पती बिहान अबेरसम्म नउठेपछि छिमेकीहरूले प्रहरीलाई खबर गरेका थिए ।
सूचना प्राप्त भएपछि घटनास्थल पुगेका प्रहरीको टोलीले मृतक दम्पतीको शरीरमा चोट देखिएकाले घटना शंकास्पद रहेको बताएका छन् । दम्पतीको टाउकामा भारी चिजले प्रहार गरी विभत्स तरिकाले हत्या गरेको जस्तो देखिएको जिल्ला प्रहरी कार्यालय प्युठानका प्रवक्ता प्रहरी निरीक्षक केशव केसीले बताए ।
घटनाबारे सुक्ष्म रुपमा अनुसन्धान भईरहेको केसीले बताए ।
