बागलुङ । भुजीखोला उर्लेर आउँदा एक दर्जन बढी घर बगाएको आशंका गरिएको छ । ढोरपाटन नगरपालिका वडा नम्बर ९ मा खहरे खोला उर्लेर आउँदा खोलो किनारका बस्तीहरु बगाउनुका साथै १० जना सम्पर्क बिहीन भएको इलाका प्रहरी कार्यालय बुर्तिकाङका प्रमुख प्रकाशसिंह भण्डारीले जानकारी दिए।
रातिको समयमा खोला उर्लेर आउँदा कति क्षति भयो र कति बेपत्ता भए भन्ने एकिन हुन नसकेको भण्डारीको भनाई छ ।
राति करिब १२ बजे तिर आएको बाढी धेरै घर र मानिसहरु बगाएको हुन सक्ने आशंका गरिएको छ । खोलामा प्रहरीले एक जनाको आधा शरिर मात्रै फेला पारेको प्रहरीले जनाएको छ ।