![](https://newspolar.com/wp-content/uploads/2022/03/1599110138ws4NG8nq_dAmGKFZTEY.jpg)
काठमाडौं । गृहमन्त्री रामबहादुर थापा सवार हेलिकप्टर पोखरामै रोकिएको छ। बाढीपहिरोको अवलोकन तथा राहत वितरण गर्न बागलुङ उडेको हेलिकप्टर खराब मौसमका कारण पोखरामा अवतरण गराइएको थापाका प्रेस संयोजक किरण भट्टराईले बताए।
बागलुङमा अहिले वर्षासँगै बाक्लो कुहिरो लागिरहेको छ। ‘मौसम सामान्य भएपछि जान्छौं, नभए फर्किनेबाहेक विकल्प रहेन,’ उनले भने।
बाग्लुङको ढोरपाटन नगरपालिकामा पहिरो जाँदा ११ जनाको मृत्यु भएको छ। ३६ जना अझै बेपत्ता छन्।
टोलीमा गृहमन्त्रीसहित बागलुङका सांसद देवेन्द्र पौडेल र राष्ट्रिय विपद प्राधिकरणका सिइओ अनिल पोखरेल पनि छन्।