काठमाडौँ । स्पेन युरो २०२४ को क्वाटरफाइनलमा प्रवेश गरेको छ । गएराति भएको खेलमा जर्जियालाई ४–१ गोलले पराजित गर्दै स्पेन अन्तिम आठमा पुगेको हो ।
स्पेनलाई फराकिलो जित दिलाउन रोड्री (३९ औं मिनेट), फाबियन रुइज(५१), निको विलियम्स(७५) र डानी ओल्मो (८३) ले गोल गरे ।
खेलको १८ औं मिनेटमा स्पेनका रोविन ले नोर्मान्डले आत्मघाती गोल गरेपछि जर्जियाले उक्त गोलबाट सुरुवाती अग्रता लिएको थियो । तर, उसले गोल गर्न सकेन र हारसँगै प्रतियोगिताबाट बाहिरियो ।
यता, विजेता स्पेनले क्वाटरफाइनलमा आयोजक जर्मनीको सामना गर्नेछ । दुई टोलीबीचको महाभिडन्त आउँदो शुक्रबार राति ९ः४५ बजे सुरु हुनेछ ।
