काठमाडौँ । बागमती प्रदेशका पूर्वमुख्यमन्त्री डोरमणी पौडेलले काठमाडौँको जोरपाटीस्थित नेपाल अपाङ्ग सङ्घ अर्थोपेडिक अस्पतालको अवस्थाबारे जानकारी लिनुभएको छ ।
आज मध्यान्न अस्पताल पुगि उहाँले जानकारी लिनु भएको हो । पौडेलले अस्पताल बागमती प्रदेशको गौरब भएको जनाउदै निरन्तर सहयोग रहने प्रतिबद्धता जनाउनु भयो । उहाँले आफु मुख्यमन्त्री रहेका बेला सक्दो सहयोग गरेको स्मरण गर्दे हाल पनि बागमती सरकारले त्यसलाई निरन्तरता दिएको बताउनु भयो । सो अबसरमा अस्पतालका मेडिकल निर्देशक डा कैलाश भण्डारीले अस्पतालको अबस्था बारे जानकारी गराउनु भएको सुचना अधिकारी धीरज मैनालीले जानकारी दिनुभयो ।
अनाथ, असहाय, निम्न वर्गीय तथा अपाङ्गता भएका नागरिकको स्वास्थ्य सेवामा समर्पित रहनेगरी गैरनाफामूलक संस्थाका रुपमा सन् १९९८ मा स्थापना भएको यस अस्पतालले हाडजोर्नीका बिरामीका लागि सेवा प्रदान गर्दै आएको छ ।
