काठमाडौँ । प्रधानमन्त्री केपी शर्मा ओलीले भारतमा एक नेपाली छात्रा हेस्टेलमा मृत भेटिएको र नेपाली विद्यार्थीलाई होस्टेलबाट जबर्जस्ती निकालिएको घटनाबारे सरकारले कुटनीतिक तवरले बुझ्दै सम्पर्कमा रहेर काम गरिरहेको बताउनुभएको छ ।
प्रधानमन्त्री ओलीले उक्त घटना मिडिया र सामाजिक सञ्जाल मार्फत जानकारीमा आएको जनाउँदै यसबारे कुटनीतिक तवरले बुझिएको जनाउनुभएको हो ।
प्रधानमन्त्री ओलीले सामाजिक सञ्जालमा भन्नुभएको छ–
भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी ९केआईआईटी० विश्वविद्यालयको होस्टेलमा एकजना नेपाली छात्राको मृत्यु भएको र नेपाली विद्यार्थीलाई होस्टेलबाट जबर्जस्ती निकालेको कुरा मिडिया र सामाजिक सञ्जाल मार्फत जानकारीमा आएको छ । यस विषयमा सरकारले कुटनीतिक तवरले बुझ्दै सम्पर्कमा रहेर काम गरिरहेको छ।
भारतको उडिसा भुवनेश्वरस्थित कलिंगा इन्स्टिच्यूट अफ इन्डस्ट्रियल टेक्नोलोजीमा अध्ययनरत बुटवलकी प्रकृति लम्साल मृत भेटिएकी थिइन् ।
उनी आइतबार अपरान्ह ४ बजे युनिभर्सिटीको होस्टलको क्युसीफो बिल्डिङमा मृत भेटिएकी हुन् । प्रकृति बि टेक सिएससी तेस्रो वर्षमा अध्ययनरत थिइन् । उक्त कलेजमा २ सय भन्दा बढी नेपाली विद्यार्थाीहरु अध्ययनरत छन् ।
यो पनिः भारतको उडिसामा नेपाली छात्राको शंकास्पद मृत्यु, छानबिन माग गर्दा २०० बढी नेपाली बिद्यार्थी निकालिए
