काठमाडौं । नेपाल र चीनबीच कूटनीतिक सम्बन्ध स्थापना भएको ७० औँ वार्षिकोत्सव तथा चिनियाँ नयाँ वर्षको अवसरमा काठमाडौंमा चिनियाँ बिशेष सांस्कृतिक कार्यक्रम आयोजना गरिएको छ ।
नेपालस्थित चिनियाँ दूतावासको आयोजनामा ‘द एसेन्स अफ फुरोङ एन्ड द एलिगेन्स अफ शु’ नामक सांस्कृतिक कार्यक्रम गरिएको थियो ।
कार्यक्रममा परराष्ट्र सचिब अमृत बहादुर राईले चीनसँगको ऐतिहासिक मित्रतालाई अझ मजबुत बनाउन नेपाल प्रतिबद्ध रहेको बताउनु भयो । उहाँले भन्नुभयो ‘संस्कृति देशहरू जोड्ने एउटा बलियो माध्यम हो। आजको प्रस्तुति चीन९नेपाल सम्बन्धलाई थप उचाइमा पुर्याउने विश्वास लिएको छु।’
कार्यक्रममा चीनका राजदूत चेन सोङले नेपाल -चीन सम्बन्धलाई गहिरो र दिगो बनाउन संस्कृतिले महत्वपूर्ण भूमिका खेल्ने बताउनु भयो । उहाँले सांस्कृतिक आदानप्रदानले आपसी सम्बन्ध थप मजबुत बनाउने विश्वास व्यक्त गर्नुभयो । उनले भन्नुभयो ‘हामी संस्कृतिलाई पुलका रूपमा प्रयोग गरी दुई देशबीचको मित्रताको नयाँ अध्याय लेख्न चाहन्छौँ।’
नेपाल-चीन सम्बन्धको ७० औँ वार्षिकोत्सवको विशेष अवसरमा यस्ता कार्यक्रमहरूले जनस्तरमा आपसी सम्बन्धलाई अझ सुमधुर बनाउने विश्वास नेपाल स्थित चिनियाँ दूतावासले गरेको छ ।
