काठमाडौँ । अस्ट्रेलियाका फास्ट बलर मिचेल स्टार्कले व्यक्तिगत कारणले च्याम्पियन्स ट्रफीबाट आफ्नो नाम फिर्ता लिएका छन् ।
क्रिकेट अष्ट्रेलियाले १५ खेलाडीको नयाँ सूची सार्वजनिक गरेको छ । १३ जनवरी घोषणा गरिएको टोलीमा ५ परिवर्तन छन् । प्याट कमिन्सको अनुपस्थितिमा स्टिभ स्मिथलाई टिमको कप्तानीको जिम्मेवारी दिइएको छ ।
अस्ट्रेलियाले प्याट कमिन्स, जोस हेजलवुड र मिचेल मार्सको चोटका कारण र मार्कस स्टोइनिसको सन्यासका कारण यसअघि नै परिवर्तन गर्नुपरेको थियो ।
स्टार्क बाहिरिएपछि टोलीले फेब्रुअरी १९ देखि पाकिस्तान र युएईमा हुने प्रतियोगितामा अग्रपंक्ति पेसर अट्याक बिना नै हुनेछ ।
अस्ट्रेलियाले बुधबार र शुक्रबार कोलम्बोमा श्रीलंकासँग दुई एकदिवसीय खेल खेल्दै च्याम्पियन्स ट्रफीको तयारी गर्नेछ । प्रतियोगिताको पहिलो खेल उसले २२ फेब्रुअरीमा इङ्ल्यान्डसँग खेल्नेछ, त्यसपछि दक्षिण अफ्रिका (२५ फेब्रुअरी) र अफगानिस्तान (२८ फेब्रुअरी) मा हुनेछ ।
अष्ट्रेलियाको च्याम्पियन्स ट्रफी टोलीः
स्टिभ स्मिथ (कप्तान), सेन एबोट, एलेक्स केरी, बेन ड्वार्सिस, नाथन एलिस, जेक फ्रेजर–म्याकगर्क, आरोन हार्डी, ट्राभिस हेड, जोश इंग्लिस, स्पेन्सर जोन्सन, मार्नस लाबुस्चेन, ग्लेन म्याक्सवेल, तनवीर सांघा, म्याथ्यू शर्ट, एडम जाम्पा ।
