काठमाडौं । प्रमुख विपक्षी दल नेकपा एमालेका नेताहरुले प्रधानमन्त्रीको सरकारी निवास बालुवाटार पुगेर कोरोना नियन्त्रण तथा रोकथाममा सरकार गम्भीर नभएको भन्दै प्रधानमन्त्री शेरबहादुर देउवाको ध्यानाकर्षण गराएका छन् ।
शनिबार एमाले नेताहरु सुवास नेम्वाङ, योगेश भट्टराईलगायतले प्रधानमन्त्रीसमक्ष सरकारको ध्यानाकर्षण गराएका हुन् ।
कोरोनाको ओमिक्रोन भेरियन्टबाट नागरिक आतंकित भइरहेका बेला सरकारले संक्रमण रोकथाम तथा नियन्त्रणका लागि कुनै उल्लेख्य पहल नगरेको एमालेले आरोप लगाएको छ ।
एमाले नेता सुवास नेम्वाङले ध्यानाकर्षणपत्र प्रधानमन्त्री देउवालाई बुझाएका हुन् ।
ध्यानाकर्षणपत्र ग्रहण गर्दै प्रधानमन्त्री देउवाले सरकार नागरिकको स्वास्थ्यप्रति गम्भीर रहेको र खोपका लागि प्रयास गरिरहेका जनाएका छन् ।
