जनकपुर। आम जनता पार्टी (आजपा)का अध्यक्ष प्रभु साहविरुद्ध रौतहट जिल्ला अदालतमा अवहेलना मुद्दा दर्ता भएको छ ।
अदालतको अपमान गरेको भन्दै बौधिमाई नगरपालिकाका मेयर प्रदिपकुमार यादवले साह उपर मुद्दा दर्ता गराएका हुन् ।
रौतहट क्षेत्र नम्बर ३ बाट निर्वाचित सांसद साहले आफ्ना फेसबुकमा ‘रौतहट जिल्ला अदालतका झोले न्यायाधीश’ भनेर लेखेका थिए ।
आजपा अध्यक्ष साहसँगै महासचिव त्रिभुवन साह उपर पनि मुद्दा दर्ता गरिएको छ । त्रिभुवन साह उपर अदालत परिसरमा ज्यान मार्ने धम्की दिएको आरोप छ ।
