काठमाडौँ । आशिका तामाङलाई २० हजार धरौटीमा रिहा गर्न अदालतले आदेश गरेको छ ।
भक्तपुर जिल्ला अदालतका न्यायाधीश सन्तोष प्रसाद पराजुलीले उनलाई २० हजार धरौटीमा रिहा गर्न आदेश गरेका हुन् ।
सूर्यबिनायक नगरपालिकाले साँगास्थित झोलुङ्गे पुलमा प्रवेश गर्नेहरूसँग २० रुपैयाँ कर सङ्कलन गर्दै आएको थियो । कर लिने निर्णयको विरोध गर्दै तामाङले तामाङले ४ असोज २०८१ मा कर्मचारीहरूबाट रसिद खोसेर जलाएको भिडियो सामाजिक सञ्जालमा हालेकी थिईन् । नगरपालिकाले त्यसबारे अनुसन्धान गर्न भन्दै प्रहरीमा जाहेरी दिएको थियो ।
नगरपालिकाको जाहेरीको आधारमा प्रहरी वृत्त जगातेले उनीमाथि आपराधिक उपद्रव सम्बन्धी कसुरमा अनुसन्धान गरेर प्रहरी प्रतिवेदन बुझाएको थियो ।
यसअघि १४ माघमा जिल्ला प्रशासन कार्यालय काठमाडौँले तोकेको धरौटी बुझाएर उनी रिहा भएकी थिईन् ।
