काठमाडौं । संसद्को हिउँदे अधिवेशनमा प्रस्तुत गर्ने साझा धारणा बनाउन विपक्षी दलहरुको बैठक सिंहदरबारमा जारी छ ।
नेकपा माओवादी केन्द्रको संसदीय दलको बैठकमा जारी बैठकमा विपक्षी दलहरु रास्वपा, नेकपा एकीकृत समाजवादी, जसपालगायतका विपक्षी दलका प्रतिनिधि छन् ।
बैठकमा भोलिदेखि सुरु हुने संसद्को हिउँदे अधिवेशनमा सरकारले प्रस्तुत गर्ने अध्यादेशको विरोध गर्नेबारे छलफल भइरहेको छ ।
यसैबीच प्रमुख प्रतिपक्षी दल नेकपा माओवादी केन्द्रको संसदीय दलको बैठक आज बस्दै छ । बैठक दिउँसो १ बजे संसदीय दलको कार्यालय सिंहदरबारमा बस्ने छ ।
बैठकमा शुक्रबारदेखि सुरु हुने संसदको हिउँदे अधिवेशनबारे छलफल हुने छ ।
माओवादी केन्द्र संसदीय दलका नेता एवम् पार्टी अध्यक्ष पुष्पकमल दाहाल प्रचण्डले संसद अधिवेशनमा सांसदहरुको प्रस्तुति र उठाउने एजेण्डाबारे जानकारी गराउने छन् ।
नेकपा माओवादी केन्द्रले संसदको अधिवेशन ढिलो बोलाएर विभिन्न अध्यादेश जारी गरेको भन्दै सरकारको आलोचना गर्दै आएको छ ।
