काठमाडौं । अहिलेसम्म सबैभन्दा धेरै व्यापार पर्ने र चर्चित चलचित्र ‘पूर्णबहादुरको सारंगी’को सक्सेस पार्टीमा गीतकार नवराज पन्तलाई आमन्त्रण नै नगरिएको खुलेको छ ।
काठमाडौंमा भएको सक्सेस पार्टीमा विजय बरालले गीतकार पन्तलाई निमन्त्रण नगरेका हुन् । बरालले किन नबोलाएनन् भन्ने चाहिँ खुलेको छैन । पन्तले गाएको गीत ‘रैया चाँदीको …’ले अहिले पनि बजारमा चर्चा पाइरहेको छ । यो गीत चलचित्रमा हिट भएको थियो । गीतकै कारण पनि चलचित्र चर्चित र हिट बनेको थियो ।
आफूलाई सक्सेस पार्टीमा नबोलाइएकोमा गीतकार पन्तले दुखेको गरेका छन् । उनले सामाजिक सञ्जालमा लेखेका छन्–
पूर्णबहादुरको सारंगीको सक्सेस पार्टी भएछ । ढिलै भय पनि गरेकोमा हार्दिक बधाइ छ । तर सोही फिल्ममा समावेश गीत रैया चाँदीको गीतको म सर्जकलाइ एक सूचना या निमन्त्रणा सन्देस केही पनि आएन । हो विदेश छु, देशका पार्टीहरु टाढा छन् मबाट । तर सम्झेको भए बाडुलीसम्म लाउँथ्यो कि ? थाहा छ यो सुन्दा मेरा परम मित्रहरु खुशि होइबक्सन्छ बल्ल खायो भनि बक्सन्छ । यिनलाई मैले १० लाख पाए भन्दिन सक्थें । तर म त्यो गर्दिन । रेस्टुरामा भात, मासु र प्याकमा फिल्ममा गीत दिने बानीले आज गीतकार को यो हालत भएको हो ।सबै उस्तै छैनन् राजेन्द्र थापा जस्तो इज्जतको बान्नु लायर बसेका गीतकार नि छन् । छक्का पन्जा जस्ता मेकर नि छन् गीतकार बुझ्ने । मलाई आफैंलाइ लाज लाग्यो । रागा स्टुडियोमा आशिस दाइले र मैले गरम भनेर राखेको गीत उनीहरुलाई दिनुमा । तर मैले हरेक गीत जो आजसम्म लेखेको छु, थिए ती गीत दिँदा मेरो गीत लेखेको पैसा यति ले भनेको छैन । जसको अर्थ कानुनत रोयल्टी लिने भन्ने हुन्छ र मेरो त्यही हो । यस्ता प्रवृत्तिबाट अब म टाढा रहने छु । पाठ सिकियो है । ३३ समग्र नेपाली फिल्ममा गीत लेख्ने गीतकारको औकात यही देखियो । कसैले हैन भन्छ भने गीत फिल्ममा दिएर गीतकारको रुपमा पारिश्रमिक यति लिएँ भनेर सप्रमाण हाल्नोस्, हैन भने फिल्ममा दिए गीत चल्छ, त्यही गीत भजायर अन्त पाइन्छ भनेर मात्र दिने रैछन् । लेखक, कबि, गीतकार, गजलकारले नै तिम्रा फिल्मका कथा लेखेका हुन् । यूएस डलरले पूर्णबहादुरको सारंगी लेखेको हैन । याद राख ।
नवराज पन्तले लेखेको यो स्टाटसले नेपाली चलचित्रका गीतकारहरुको आवाज बोलेको टिप्पणी सामाजिक सञ्जालमा भइरहेको छ ।
