काठमाडौं । नेपाली कांग्रेस शुभेच्छुक संस्था समन्वय विभागले शुभेच्छुक संस्थाहरुको अधिवेशन समयमा नै गर्न निर्देशन दिने निर्णय गरेको छ ।
नेपाली कांग्रेसका केन्द्रिय सदस्य तथा समन्वय विभाग प्रमुख अब्दुल सत्तारको अध्यक्षतामा शुक्रबार बसेको बैठकले शुभेच्छुक संस्थाहरुको अधिवेशन समयमा नै गर्न निर्देशन दिने निर्णय गरेको हो ।
त्यस्तै बैठकले शुभेच्छुक संस्थाहरुको कार्यक्षेत्रको दायरा र विभागलाई पूर्णता दिन पार्टी सभापति शेर बहादुर देउवालाई अनुरोध गर्ने निर्णय पनि गरेको छ ।
बैठकमा बोल्दै केन्द्रिय सदस्य सत्तारले नेपाली कांग्रेसलाई बलियो बनाउन शुभेच्छुक संस्थाहरुलाई तल्लो तहबाट नै बलियो बनाउनु पर्नेमा जोड दिए ।
त्यस्तै बैठकले पार्टीका महामन्त्रीलाई फाग्गुन मसान्तभित्र प्रशिक्षण दिन विभागका सचिव निर्मला क्षेत्री र सदस्य देवराज नेपाललाई पार्टीसंग समन्य गर्ने जिम्मा दिएको छ ।
बैठकमा कांग्रेस शुभेच्छुक संस्था समन्वय विभागको सचिव पदको जिम्मेवारी पाएकोमा निर्मला क्षेत्रीलाई बधाई समेत दिईएको थियो ।
