काठमाडौं। राइड सेयरिङ सेवा प्रदायक कम्पनी इनड्राइभ प्रयोग गरेकी युवतीलाई यौन दुर्व्यवहार गरेको आरोपमा एक चालक पक्राउ परेका छन्।
जसमा चितवनको नारायणी नगरपालिका–४ घर भएका प्रवीण बराल छन् । २५ वर्षीय बराललाई थानकोटबाट समातिएकाे जिल्ला प्रहरी परिसर काठमाडौँले जानकारी दिएको छ ।
चितवनको मुग्लिन बजारबाट काठमाडौँ जान अनलाइनमार्फत आग्रह गर्दा राइडरले ह्वाट्सएपमा म्यासेज गरेर यौन उत्पीडन गरेको भन्दै एकजना महिलाले सामाजिक सञ्जाल ‘टिकटक’मा भिडियो बयान पोष्ट गरेकी थिइन् । सो भिडियो सामाजिक सञ्जालमा भाइरल छ ।
इनड्राइभ प्रयोग गरेकी युवतीले आफूमाथि यौन दुर्व्यवहार भएको भन्दै दिएको उजुरीको आधारमा प्रहरीले उनलाई पक्राउ गरेको हो। पक्राउ परेका चालकलाई अहिले काठमाडौं प्रहरी परिसरमा राखेर थप अनुसन्धान भइरहेको छ।
