काठमाडौं । दशैं तिहारलाई लक्षित गर्दै भोलिबाट साझा यातायातका लामो दुरीका गाडी चल्ने भएका छन्। घरजाने यात्रुहरुको सहजताका लागि साझाले लामो दुरीका गाडी संचालन गर्न लागेको हो ।
साझा यातायातका निमित्त प्रमुख कार्यकारी अधिकृत महेन्द्रराज पाण्डेका अनुसार सामाजिक दुरी कायम गर्दै बुटवल–भैरहवा–सुनौली र काठमाडौं–पोखरा–कुस्मा–बाग्लुङ रुटमा गाडी चलने भएका छन् । भोलि साझ ७ बजे बाग्लुङको र सवा ७ बजे सुनौलीको गाडी नयाँ बसपार्कबाट छुट्ने उनले जानकारी दिए।
यात्रुले साझाको कार्यालय हरिहरभवन, नयाँ बसपार्क वा ई–सेवाबाट टिकट काट्न सकिने पाण्डेले बताए । दुवै गन्तब्यमा जाने र आउने गरी २–२ वटा गाडी संचालन भई भाडा नेपाल सरकारले तोकेअनुसार ५० प्रतिशत अधिक हुनेछ।
